جني في غرفة نوووومي

السلام عليكم ورحمة الله وبركاته

اليوم جايب لكم قصتي ويا كثر قصصي لسه ما شفتو شي ههههههه مع الجني الي كان في غرفة نومي

الله يكفينا شرهم قولو آآآآآآآآآمين

في يوم من الايام كنت راجع من المدرسة وكنت وقتها في الثانوية ووصلت البيت فدخلت غرفتي كالعادة اول شي

علشان اريح وأغير ملابسي فلقيت عمال شركة التكييف كانو في غرفتي وكان معاهم السواق وكانو فاكين طرف من

السقف الي من الجبس والسبب علشان يطلعون غرفه التكييف المركزي الي في غرفتي ومدخل غرفة التكييف صاير

على شكل باب دولاب ينفتح من الجهتين وله سنين ما احد فتحه من قبل فقلت خلاص اروح تحت واتغدى على بال

ما يخلصون شغلهم المهم نزلت وتغديت وبعدها طلعت فوق

ودخلت غرفتي الا العمال كانو ينزلون من السلم الالمنيوم الي كانو حاطينه المهم مشيت معاهم لما وصلت

عند باب الغرفه وطلع آخر واحد منهم فقلت خلاص ابي اروح انام لاني كنت تعبان حيييييييييل فسكرت الباب وقفلته

بالمفتاح لأني كنت متعود ما انام الا وانا مقفل الباب ( اخاف على نفسي ) "مسوي فيها حلو "

لاني ما ارتاح الا بشورت هههههههاي

المهم وخرت السلم وسكرت الانوار وفي اضاءه خفيفه لاني مسكر الستاير المهم تلحفت في البطانية

وكان جسمي مكسر وكنت شبه نايم لانه مر حوالي 10 دقايق وكنت قاعد اتخيل في ذهني اشياء

( لا يروح بالكم بعيد ) عن الاشياء الي صارت لنا في المدرسه هههههه وشوي الا اسمع صوت باب غرفة المكيف الي

بالسقف ينفتح شوي شوي ويطلع صوت زي الي في الافلام المرعبه لانه صار له مدة محد فتحه المهم

انا فتحت عيوني وطالعت جهة الفتحة الي طلع منه الصوت في السقف الا هذا راس اسود وعيونه بيضة تلمع

تطل علي من الفتحة وقاعد يبحلق فيني طبعاً وقعد ثواني وهو يبحلق انا من الخوف متلحف في البطانية ومطلع

بس راسي وقاعد اطالع فيه وهو يطالع فيني وانا متجمد من الخوف وابغى اقوم او اصارخ او اسوي اي شي والله ما

قدرت احرك اي شي في جسمي والمشكله انه قاعد يبحلق فيني ويتلفت يمين ويسار وانا زي ما انا متيبس قعدت

على هل الحالة يمكن 15 ثانية كأنها 15 ساعة مرت علي وشوي قال لي بصوت ثقيل صديق وين هازا سلم في هنا

ههههههههاااااي

في هذي اللحظة كأنه احد سكب علي ماي باااااااااااارد وقعدت اسبه والعنه ما بقت سبه الا وقلته له ( الحين سويت

فيها قوي ) ههههههه قلت له ايش تسوي فوق يا رفيق ليش ما رحت ما ربعك قال لانهم راحو يشيكون المكيف الثاني

وانا كنت قاعد اكمل شغلي مع هذا المكيف المهم فطلبت منه يوخر وجه لاني مو لابس الا شورت وتلحفت بالبطانية

وسحبت له السلم وهو قاعد يضحك علي وبكذا طلع الجني العامل البنقالي[اخي العزيز ،، يتوجب عليك اضافة رد لرؤية الرابط][اخي العزيز ،، يتوجب عليك اضافة رد لرؤية الرابط][اخي العزيز ،، يتوجب عليك اضافة رد لرؤية الرابط]